Каттик пишлок рецепти - уй шароитида тайёрлаш усули, боскичлари

Каттик пишлок рецепти - уй шароитида тайёрлаш усули, боскичлари

Пишлоқ тайёрлаш усуллари жуда кўп. Ушбу мақолада сигир сутидан тайёрланадиган оддий пишлоқнинг рецепти келтирилади.

ПИШЛOҚ ТАЙЁРЛАШРЕЦЕПТИ
Тайёлаш вақти: 1 соат
Керакли масаллиқлар:

Сут – 1 литр (2,5 – 6 % ёғли);
Творог – 1 кг;
Сариёғ – 100г;
Туҳум – 1 та;
Истеъмол содаси – 1 чой қошиқ;
Туз – 1 чой қошиқ (тўлдирмасдан).
Тайёрланиши:

Сут қайнашгача олиб борилади. Сўнг унга творог қўшилади ва яна 3 дақиқа қайнатилади.

Хосил бўлган масса дока матога солиб, зардоби чиқариб ташланади. У томчиламай қўйса, мажбурлаб қисиб чиқариш керак эмас, шу холатнинг ўзи етарли.


Идишда сариёғ эритиб олинади, сўнг унга истеъмол содаси ва туз қўшилади.
Эриган сариёғга творог қўшилади ва 5 дақиқа давомида аралаштириб турган холда паст оловда қайнатилади.
Алохида идишда туҳум уриб аралаштириб олинади ва творогга қўшилади, барчаси яҳшилаб аралаштирилади. Сўнг идиш оловдан олинади, бироз совутилади.
Хосил бўлган масса идишга солинади ва 3-4 соатга совутгичга қўйилади. Пишлоқ тайёр.
Таъбга кўра уй шароитида тайёрланадиган пишлоққа кўкатлар ва бироз миқдорда майдаланган саримсоқ қўшиш хам мумкин.

Фикр қўшиш