Патир тайёрлаш рецепти - пиёзли ва пиёзсиз турлари, тавсиялар

Патир тайёрлаш рецепти - пиёзли ва пиёзсиз турлари, тавсиялар

Патир (фатир) – Oсиё мамлакатлари ҳалқининг анъанавий хисобланадиган пишириғи, у чойга хам, овқатга хам ажойиб қўшимча бўлади. Ушбу рецептдаги патирни пиёз билан хам, пиёзсиз хам тайёрлаш мумкин.

ПАТИР ТАЙЙOРЛАШ РЕЦЕПТИ
Тайёрлаш вақти: 2 соат | Портсиялар сони: 4 та
Керакли масаллиқлар

Ун – 500 г (3 стакан)
Ўсимлик мойи ёки эритилган хайвон ёғи – 200 гр
Пиёз – 1
Сув – 1 стакан
Кунжут – 1 ош қошиқ
Туз.
Тайёрланиши

Ун, сув ва туздан қаттиқ ҳамир қорилади. Сў нг у тўртта зувалага бўлинади, устидан бироз ун сепилади, устма-уст қилиган холда сочиқ билан ёпиб қўйилади. Шу тарзда 5-10 дақиқа дам ейишга қолдирилади.
Пиёз пўстидан тозаланади, жуда ингичка яримхалқа қилиб кесиб олинади. Унга бироз туз сепиб, яҳшилаб аралаштирилади.
Хар бир зувала қалинлиги 1 мм келадиган қилиб ёйиб олинади. Тажрибали бекалар янада ингичкароқ қилиб ёйишлари мумкин.
Ҳамирнинг бутун юзасига ёғ суртилади, пиёзли патир қилиш учун эса қўшимча равишда устидан озроқ пиёз хам сепилади.


Ҳамир рулет қилиб ўралади. Узун ўрама кафтлар билан бироз япалоқ қилинади. Қаватли томонини юқорига қилиб қўйган холда 5-10 дақиқа дам берилади.
Хар бир зувала қўлда, қалинлиги 1-1,5 см дан ошмайдиган қилиб айлана шаклида ёйиб олинади. Ёйишда ҳамирнинг яҳлитлигини бузиб юбормаслик учун эхтиёткор бўлиш зарур.


Нонпар ёки санчқи билан ҳамирга нақш чизилади, юзасига енгил тузланган сув сепилади, кунжут билан безатилади, противенга қўйилади ва 5-7 дақиқа шу холда дам берилади.


Oлдиндан 250 даражагача қиздирилган печда (аввал пастки, сўнг юқори қаватида) тилларанг тусга киргунча пиширилади, бу ўртача 15-20 дақиқани талаб этади.


Тайёр бўлгач, противендан ажратиб олинади, юзасига бироз сув сепилади, дастурҳон билан ўраб, совутишга қолдирилади. Патир тайёр!

Фикр қўшиш