Киска муддатли пархез
ҚАТИҚЛИ ПАРҲEЗ (ДИEТА).
Натижа: 3 кунда 2-5 кг вазн ташлаш мумкин.
Таомнома: кунига 1,5 литр ёғсиз қатиқ билан кифояланиш. Агар жудаям оч қолсангиз, бир нечта нордон мевалардан истеъмол қилишингиз мумкин. Қандай: таомномада белгиланган қатиқ миқдорини 5-6 қисмга бўлиб ичинг. Қулайлиги: жуда арзон ва амал қилишда жуда осон. Камчилиги: фақат кучли иродага ва мустаҳкам саломатликка эга кишиларга тўғри келади.
ГРEЧКАЛИ ПАРҲEЗ (ДИEТА).
Натижа: 5 кунда 3-5 кг вазн ташлаш мумкин.
Таомнома: кунига 1 стакан гречка. Бунда исталганча суюқлик ичиш мумкин. Ушбу парҳез давомида туз ишлатмаслик лозим ёки оддий тузни денгиз тузига алмаштиринг. Кун давомида қўшимча равишда озгина ёғсиз қатиқ ёки ёгурт ичса ҳам бўлади. Қандай: кечқурун 1 ст гречка устидан қайноқ сув қўйиб идиш қопқоғини ёпиб қўйинг. Кун давомида мана шу бўтқани бир неча қисмга бўлиб тановул қилинг. Оҳирги таом қабулини ухлашдан 3-4 соат олдин амалга оширинг. Қулайлиги: организмни самарали тозалайди. Камчилиги: гречихани ёмон кўрадиган ва тузли эгуликларни хуш кўрадиганлар чидаши мушкул. Бу парҳез қад-қоматингизни нормага келтириш учун ёрдам беради, аммо орзуингиздаги озғин қизга айлантирмайди.
ТОВУҚЛИ ПАРҲEЗ (ДИEТА).
Натижа: 5 кунда 5 кг вазндан ҳалос бўласиз. Таомнома: буғда ёки сувда пиширилган териси олиб ташланган товуқ гўшти, нордон мевалар, турли сабзавотлар ва улардан тайёрланган салатлар, ҳар-хил ёрмалар. Суюқлик ичиш меъёри доимгидек.
Қандай: таомномада кўрсатилган барча маҳсулотларни исталганча тановул қилса бўлади. Муҳими, товуқ кундалик таомномангизнинг биринчи ярмини, қолган маҳсулотлар эса иккинчи ярмини ташкил этиши керак. Яхши натижаларга эришиш учун барча эгулик ва таомларни тузсиз истеъмол қилинг.
Қулайлиги: парҳез давомида оч қолмайсиз, бунда сизга таомномадаги ранг-баранглик ёрдам беради. Парҳез тутмай озишни истасангиз кундалик таомноангизни балиқ, сут маҳсулотлари, ёғсиз мол гўшти ва тухумга бойитинг. Ширинликлар, қовурилган картошка, маёнез, пирожки ва шунга ўхшаш қовуриб пиширилган пишириқлар, шунингдек колбаса маҳсулотларидан воз кечинг.