Шоколадли копкейк
Ҳушбўй ва нозик, улар сизни бефарқ қолдирмайди! Байрам дастурхони учун ажойиб танлов. Тайёрланиши оддий, натижаси эса дастурхон даврасида барчани лол қолдиради. Таомномадан ўз ўрнини эгаллайди. Ушбу рецептни албатта тайёрланг!
Керакли масаллиқлар:
- 100 грамм сметана
- 60 грамм аччиқ шоколад
- 140 грамм шакар
- 2 дона тухум
- 130 грамм ун
- 50 грамм какао кукуни
- 100 грамм сметана
- 1 чой қошиқ қабартма
- 50 грамм творогли пишлоқ (алметте, филаделфия)
- 80 грамм сарёғ
- 80 грамм шакар кукуни
- 80 грамм аччиқ шоколад
Тайёрлаш усули:
1. Биринчи навбатда копкейк хамирини тайёрланг. Бўлакларга бўлинган шоколад ва майда кесилган сарёғни бирлаштириб, эритинг. Микратўлқинли печ ёки сув хаммомида.
2. Эритилган сарёғли массани 5 дақиқага хона ҳароратида қолдиринг.
3. Шакарни солинг ва шакар эригунча аралаштиринг.
4. Тухумни солинг ва аралаштиринг.
5. Сметанани солинг.
6. Ун, какао, қабартма аралашмасини оз-оздан шоколадли массага қўшиб, хамир қоринг.
7. Бир хил консистенсия ҳосил бўлгунча аралаштиринг. Натижада қуюқ масса ҳосил бўлади.
8. Тайёр хамирни махсус копкейк қолипига солиб чиқинг. 180 даражада қиздирилган газ печида 25-30 дақиқа давомида пиширинг, совутинг.
9. Бу вақт мобайнида кремни тайёрланг. Крем учун керакли масаллиқларни тайёрланг.
10. Шоколадни эритинг. Сарёғ ва творогли пишлоқни кўпиртиринг.
11. Шакар кукунини солинг ва аралаштиринг.
12. Эритилган, совуқ шоколадни қўшинг ва кўпиртиринг.
13. Тайёрланган крем билан копкейкларни безаб чиқинг. Мазали ва нозик копкейкларни дастурхонга тортинг.
Ёқимли иштаха!