Qiyma kabob

Kerakli masalliqlar:

1. Goʻsht (pashina) - 1 kg.
2. Piyoz - 250 gr.
3. Zira, kashnich urugʻi - taʼbga qarab
4. Tuz

Tayyorlanishi:

Goʻsht boʻlaklarga boʻlinadi va goʻsht maydalagichdan artilgan piyoz bilan uch karra oʻtkaziladi.



Soʻng ziravorlar va tuz qoʻshib, yahshilab aralashtiriladi. Tayyor qiyma muzlatkichga yarim kunga qoʻyiladi.
Keyin qiyma muzlatkichdan olinib, sihlarga bir maromda joylanadi.


Qoʻraga olov yoqilib, qizdiriladi. Bunda koʻmir, yahshi qurigan oʻtin yoki qurigan joʻhori soʻtasini ishlatish mumkin. Olov oʻchib, qurada choʻg' boʻlgach, kaboblar pishiriladi.


Tayyor boʻlgan kaboblar likopchada toʻgʻralgan piyoz bilan birga dasturhonga tortiladi.