Товук гушти ва гулкарамдан тайёрланган котлетлар

Енгил ва тўйимли котлетлар. Ҳар қандай тайёрланган гарнир билан дастурхонга тортилса, дастурхон даврасида ҳеч кимнинг эътиборидан четда қолмайди. Сабзавотлар ва товуқ гўштидан тайёрланган котлетлар бир-бирини тўлдириб, майин ва мазали бўлиб пишади. Бундай котлетлар пархезбоп саналиб, семиришга йўл қўймайди. Тайёрланиши оддий бўлган ушбу котлетларни албатта тайёрланг!

Керакли масаллиқлар:

• 1 кг товуқ гўшти (лаҳм)
• 1 кг гулкарам
• 1 боғ петрушка
• Таъбга қараб туз ва мурч
• Белаб олиш учун майдаланган сухари
• Қовуриш учун ўсимлик ёғи

Тайёрланиши:
1. Биринчи навбатда товуқ гўшти ва гулкарамни гўшт қиймалагичдан чиқариб олинг.

2. Петрушка кўкатини майда тўрғаб солинг. Таъбга кўра туз ва зираворлар солиб, аралаштиринг.

3. Тайёрланган қиймадан котлетлар ясанг ва нон сухарисига беланг.

4. Товада қиздирилган ўсимлик ёғида, котлетларни ҳар томонлама, қизартириб қовуринг.

5. Котлетларни пишириш қолипига теринг. 220 даражада қиздирилган газ печида 1 соат мабайнида пиширишда давом этинг.

6. Белгиланган вақт ўтиб, тайёр котлетларни гарнир билан дастурхонга тортинг!

Ёқимли иштаха!