Ёнгок ширинлиги

Пардек енгил ва жуда ҳам мазали ширинлик! Ҳар қандай дастурхондан ўзининг ёрқин ўрнини эгалловчи ширинлик. Яқинларингиз учун ушбу ширинликни тайёрланг ва ҳушкайфият улашинг.

Керакли масаллиқлар:
Хамир учун:

• 200 грамм ун
• 100 грамм сарёғ
• 180 грамм сув
• 2 грамм туз
• 5 дона тухум (300 грамм)

Крем учун:

• 285 грамм сарёғ
• 100 грамм шакар кукуни
• 120 грамм қуюлтирилган сут
• 40 грамм сув
• 4 дона тухум сариғи
• 100 грамм ёнғоқ
• 1 ош қошиқ коняк

Безаш учун:

• 60 грамм ёнғоқ, шакарли сироп

Тайёрлаш усули: 1. Биринчи навбатда хамирни тайёрланг. Кўрсатилган масаллиқлардан заварной хамир тайёрланг. Пергамент қоғози ёзилган пишириш қолипига, орасидан масофа қолдирган ҳолда, чой қошиқда шарчалар солинг.
2. 220 даражада қиздирилган газ печида 10 дақиқа, сўнг 180 даражада қиздирилган газ печида 25 дақиқа давомида пиширинг. Тайёр булочкаларни совутинг.
3. Безаш ва крем учун ёнғоқни қовуринг. Блендерда майдаланг.
4. Крем учун: тухум сариқларини сув билан аралаштиринг. Қуюлтирилган сутни қўшинг ва паст оловда қуюқлашгунга қадар қайнатинг. Ушбу босқични сув хаммомида тайёрлаш ҳам мумкин. Сўнг, совутинг.
5. Юмшатилган сарёғни шакар кукуни билан оппоқ тусга киргунга қадар кўпиртиринг. Оз-оз қисмдан тухумли массани қўшган ҳолда кўпиртиришда давом этинг. Сўнгги қисмда коняк ва ёнғоқни солинг, кўпиртиринг.
6. Булочкаларнинг ички қисмини крем билан тўлдиринг. Безаш учун аввал сиропга сўнг, майдаланган ёнғоқга ботиринг.
Ёқимли иштаха!