Блинчикдан тайёрланган шоколадли торт

Эрталабки нонушта учун ажойиб танлов! Шунингдек, кечки овқатдан сўнг ҳам нозик десерт ўрнини эгаллаши мумкин. Тайёрланиши оддий бўлган торт дастурхон даврасида ҳеч кимнинг эътиборидан четда қолмаслиги аниқ.

Керакли масаллиқлар:

• 1-2 стакан ун
• 1 чой қошиқ ичимлик содаси
• 0,5 стакан шакар
• 0,2 чой қошиқ туз
• 4 ош қошиқ какао кукуни
• 4-5 ош қошиқ ўсимлик ёғи
• 2 чой қошиқ ванилин экстракти
• 1,5 стакан сут
• 1 стакан қаймоқ
• 4 ош қошиқ шакар
• 90 грамм эритилган сутли шоколад

Тайёрлаш усули: 1. Ун, какао кукуни, ичимлик содаси, шакар ва тузни бирлаштириб, аралаштиринг.
2. Ванилин, ўсимлик ёғи ва сутни қуйинг. Бир хил масса ҳосил бўлгунга қадар аралаштиринг.

3. Қиздириб, ёғ суртилган товага хамирдан 1/4 қисм қуйинг.
4. Хамирда юмалоқ шарчалар ҳосил бўлиши билан блинчикни иккинчи қисмига айлантиринг.
5. Блинчиклар пиширилгандан сўнг бутунлай совутинг. Қаймоқ ва шакарни бирлаштириб, кўпиртиринг. Блинчикга қаймоқни суртинг. Шу кетма-кетликда тортни йиғинг.
6. Торт устидан эритилган шоколадни сепгандек қуйиб чиқинг. Ҳоҳишингизга кўра мевалар билан безатинг.
7. Иссиқ қахва тайёрланг ва блинчикли торт билан дастурхонга тортинг.
Ёқимли иштаха!