Узбекча Пахлава

Эътиборингизга машҳур Шарқ ширинлиги рецептини тақдим этамиз. Жуда ҳам мазали бўлган ширинлик ҳаттоки ширинликни ҳушламайдиганларнинг эътиборидан ҳам четда қолмаслиги аниқ. Ушбу ширинлик кечки овқатдан сўнг шак-шубхасиз десерт ўрнини эгаллаши турган гап.

Керакли масаллиқлар:

• 350 грамм сарёғ
• 300 грамм сметана
• 4 дона тухум
• 4 стакан ун
• 1 чой қошиқ ичимлик содаси
• 2,5 стакан шакар
• 2 стакан ёнғоқ
• 2 ош қошиқ асал

Тайёрлаш усули: 1. Биринчи навбатда хамир қоринг. 300 грамм сарёғ ва унни ушоқланг. 3 дона тухум сариғи, сметана, ичимлик содасини солиб, хамир қоринг. Хамирни 1 соатга музлатгичга қўйинг.
2. Белгиланган вақт ўтиб, хамирни тенг 8 қисмга бўлинг.
3. Пахлава асосини тайёрланг. Ёнғоқни майдаланг. Ёнғоқ, 4 дона тухум оқи ва шакарни бирлаштириб, аралаштиринг.
4. Ҳар бир хамир бўлагини юпқа қилиб ёйинг.
5. Хамирни пишириш қолипига солинг. Тайёрланган асосдан солиб, текисланг. Қолган асос қисми ва хамирни шу кетма-кетликда такрорланг.
6. Охирги қават хамир бўлиши лозим. пахлавани кесиб чиқинг. Тухум сариғи билан суртинг ва ёнғоқ бўлаклари билан безатинг. 200 даражада қиздирилган газ печида 40-50 дақиқа давомида пиширинг.
7. Пахлава тайёр бўлишига 5-10 дақиқа вақт қолганда эритилган 50 грамм сарёғ ва асал аралашмаси билан қуйиб чиқинг. Қолган вақт ўтгунга қадар пиширишда давом этинг.
8. Тайёр пахлавани бутунлай совутинг ва иссиқ чой билан яқинларингизга тақдим этинг.
Ёқимли иштаха!