Олмали зефир
Яқинларингизни лол қолдиришни ҳоҳлайсизми? У ҳолда уй шароитида олмали зефирни тайёрлашнинг айни вақти. Бу ҳеч ҳам қийин эмас. Тайёрланган зефирлар жуда ҳам нозик ва натижаси сизни ҳурсанд қилиши турган гап.
Керакли масаллиқлар:
- 250 грамм олма пюреси
- 250+475 грамм шакар
- 1 дона тухум оқи
- 8 грамм агар-агар
- 160 грамм сув
- 1 чой қошиқ ванилин шакари
- Таъбга кўра шакар кукуни
1. Биринчи навбатда олмали пюрени тайёрланг. Бунинг учун олмаларни газ печида пиширинг, тозаланг ва пюреланг. 250 грамм шакар ва ванилин шакарини солиб, аралаштиринг. Совутинг. Бордию сиз тайёр ҳолдаги олма пюресидан фойдалансангиз у ҳолда шакарни таъбга кўра солинг.
2. Агар-агарни уютинг ва оловга қўйинг. Қайнаш даражасига олиб боринг, эриши лозим. 475 грамм шакарни солинг, яхшилаб аралаштиринг. Сиропни ўрта оловда, қошиқни тепага тортганда шакар ипдек чўзилувчи масса ҳосил бўлгунга қадар тайёрланг. Сўнг, совутинг.
3. Олма пюресига тухум оқини ярим қисмини қўшинг.
4. Миксер ёрдамида ранги очаргунча кўпиртиринг. Сўнг, қолган тухум оқини солинг ва кўпиртиришда давом этинг. Енгил масса ҳосил бўлгунча.
5. Кўпиртиришни тўхтатмаган ҳолда илиқ сиропни нозик оқимда қуйинг.
6. Оппоқ ва енгил масса ҳосил бўлгунга қадар кўпиртиринг.
7. Пергамент қоғози ёзилган пишириш қолипига, кондитер қопчасига солинган массадан зефирларни чиқаринг. Ушбу рецептда кўпгина зефир тайёрланади. Шунинг учун аввал зефир тайёрланадиган идишларни тайёрлаб олинг. Бу босқични тезлик билан бажаринг.
8. Тайёрланган зефирларни бир суткага хона ҳароратида қолдиринг. Сўнг, шакар кукунидан сепинг. Ҳоҳишингизга кўра нозик ва ёпишқоқ зефирларни икки донасини бир-бири билан ёпиштириб чиқинг.
9. Зефирларнинг ярим қисмини эритилган шоколад билан безашингиз ҳам мумкин.
10. Пардек нозик ва мазали зефирларни иссиқ чой билан дастурхонга тортинг.
Ёқимли иштаха!