Италянча печеня

Италя ошхонасининг машҳур рецептини эътиборингизга тақдим этамиз. Жуда ҳам нозик ва оғизда эриб кетувчи ушбу печенянинг тайёрланиши оддий, натижаси эса бир олам қувончни тақдим этади. Дастурхон даврасида чинакам лаззатланишни тақдим этади. Ушбу рецептни албатта тайёрланг!

Керакли масаллиқлар:
115 грамм юмшатилган сарёғ
50 грамм шакар
1 дона тухум

1 чой қошиқ ванилин шакари
Бир чимдим туз
1/4 чой қошиқ қабартма
175 грамм ун
150-200 грамм шоколад

Тайёрлаш усуллари:
1. Чуқур идишда саёғ ва шакани, бир хил масса ҳосил бўлгунча (тахминан 3 дақиқа) кўпиртиринг. Тухум ва ванилин шакарини солинг ва кўпиртиришда давом этинг.

2. Ун, қабартма ва тузни бирлаштиринг. Сарёғли массага унли массани солинг, аралаштиринг. Натижада қуюқ, чўзилувчан хамир тайёр бўлиши лозим. Хамир кондитер қопчасидан қийинчиликсиз чиқиши керак.
3. Хамирни махсус кондитер қопчасига солинг. Пергамент қоғози ёзилган пишириш қолипига, бир-биридан 5 см масофа қолдирган ҳолда, печенялар чиқаринг.
4. 175 даражада қиздирилган газ печида 10-12 дақиқа давомида пиширинг. Тайёр бўлган печеняларни бутунлай совутинг.

5. Шоколадни сув хаммомида эритинг. Чуқур идишга қуйинг. Печеняларни 1/3 қисми ёки ярим қисмини шоколадга ботиринг.

6. Қайтадан пергамент қоғозига шоколад қуригунга қадар теринг.
7. Тайёр ва бир зумда оғизда эрувчи печеняларни яқинларингиз эътиборига тортиқ қилинг.
Ёқимли иштаха!