Кокос-бананли кекс
Яқинларингизни ҳушбўй ва мазали ширинлик билан мехмон қилмоқчимисиз? У ҳолда эътиборингизга нозик ва мазали кекс рецептини тақдим этамиз. Таомнома учун янгилик. Тайёрланиши жуда ҳам оддий. Ушбу рецептни албатта тайёрланг!
Керакли масаллиқлар:
260 грамм ун
1 стакан шакар
1 чой қошиқ ванилин шакари
1/2 стакан кокос ёғи
2 дона тухум
1 чой қошиқдан ичимлик содаси ва қабартма
100 грамм гилос, 100 грамм банан (2 дона)
1/2 стакан кокос стружкаси
Тайёрлаш усуллари:
1. Биринчи навбатда қуруқ масаллиқларни бирлаштиринг : ун, ичимлик содаси, қабартма, ванилин шакари. Аралаштиринг.
2. Тухум ва шакарни енгил, оппоқ масса ҳолигача кўпиртиринг. Кокос ёғини қуйинг ва аралаштиринг.
3. Газ печини 180 даражада қиздиринг. Тухумли массага банан пюреси, гилос ва қуруқ товада қовурилган кокос стружкасини солинг. Унли массани солинг ва бир хил масса ҳосил бўлгунга қадар аралаштиринг.
4. Пишириш қолипини юмшатилган сарёғ билан суртинг. Суртилган сарёғни ун билан қопланг.
5. Тайёрланган қолипга хамирни қуйинг ва текисланг. Қиздирилган газ печида 1 соат давомида пиширинг. Кекс тайёрлигини тиш пичоғи билан текширинг.
6. Белгиланган вақт ўтиб, мазали кексни совутинг ва ҳоҳишингизга кўра безатинг. Нозик ва мазали кексни дастурхонга тортинг.
Ёқимли иштаха!