"Варонеж" газаги

Мўжизавий газак! Бақлажон сабзавотидан тайёрланган газак ўзининг таъми билан дастурхон даврасида барчага лаззатланиш бахтини улашади. Тайёрланиши жуда ҳам оддий. Ушбу рецептни албатта тайёрланг!

Керакли масаллиқлар:

• 2 кг бақлажон
• 500-800 грамм пиёз
• 2-3 бош саримсоқ0,5 л ўсимлик ёғи
• Қора қалампир

Маринад учун:

• 70-100 грамм цирка
• 2 стакан сув
• 2 ош қошиқдан шакар ва туз
• 2 дона лавр барги

Тайёрлаш усули: 1. Сувга шакар ва туз солиб, қайнатинг. Цирка ва лавр баргини солинг, оловдан олинг. Совутинг.
2. Бақлажонни 1,5-2 см қалинликда кесинг. Туз солинган совуқ сувда, 30 дақиқага уютинг.
3. Товада қиздирилган ёғда, бақлажонларни ҳар томонлама, тилла тусга киргунга қадар қовуринг.
4. Қовурилган бақлажонларни ошхона сочиғига олинг, ортиқча ёғи ажралиши учун.

5. Пиёзни ярим ҳалқа, саримсоқни майда шаклда тўрғанг.
6. Чуқур идишга биринчи қаторга бақлажон, устига пиёз ва саримсоқдан солинг. Шу ҳолни қолган масаллиқлар тугагунча такрорланг. Маринадни қуйинг ва ҳажми кичикроқ идиш билан ёпинг ва ҳажми оғиқ нарса билан бостиринг.
7. Бақлажонларни 6 соатга хона ҳароратида қолдиринг. Сўнг, дастурхонга тортинг. Қолган маринадланган бақлажонларни музлатгичда сақланг.
Ёқимли иштаха!