"Provansal" batoni

Ertalabki nonushta uchun ajoyib tanlov! Tayyorlanishi oddiy, natijasi dasturxon davrasida barchani lol qoldiradi. Taomnomadan oʻz oʻrnini egallashi turgan gap. Ushbu retseptni albatta tayyorlang!

Kerakli masalliqlar:
Xamir uchun:

• 350 gramm un
• 180 ml suv
• 1 osh qoshiq shakar
• 7 gramm xamirturush
• 25 gramm saryog'
• 1 osh qoshiq oʻsimlik yogʻi

Asosiga:

• 1 dona piyoz
• 2 dona sarimsoq donachasi
• 2-3 osh qoshiq mayonez
• Pishloq, koʻkat

Tayyorlash usuli:
1. Xamirturushli xamirni tayyorlang va 1 soat 30 daqiqaga xamir hajmi koʻpayishiga, issiq joyga olib qoʻying.

2. Piyoz va sarimsoqni mayda toʻrgʻang va mayonez bilan aralashtiring.

3. Tayyor xamirni ikki qismga boʻling. Baton shaklida yoying (4 sm).

4. Batonlar ustini yopib, 30 daqiqaga qoldiring. Koʻpirtirilgan tuxum bilan surting. Oʻtkir pichoqda baton oʻrtasiga kesiq qiling.
5. Baton kesigʻiga mayonezli massadan choy qoshiq yordamida soling. Mayda toʻrgʻalgan koʻkat seping, qirgʻichdan chiqarilgan pishloqni qalinlikda seping. 180 darajada qizdirilgan gaz pechida 30 daqiqa davomida pishiring.
6. Belgilangan vaqt oʻtib, mazali batonni dasturxonga torting.
Yoqimli ishtaxa!