"Провансал" батони

Эрталабки нонушта учун ажойиб танлов! Тайёрланиши оддий, натижаси дастурхон даврасида барчани лол қолдиради. Таомномадан ўз ўрнини эгаллаши турган гап. Ушбу рецептни албатта тайёрланг!

Керакли масаллиқлар:
Хамир учун:

• 350 грамм ун
• 180 мл сув
• 1 ош қошиқ шакар
• 7 грамм хамиртуруш
• 25 грамм сарёғ
• 1 ош қошиқ ўсимлик ёғи

Асосига:

• 1 дона пиёз
• 2 дона саримсоқ доначаси
• 2-3 ош қошиқ маёнез
• Пишлоқ, кўкат

Тайёрлаш усули:
1. Хамиртурушли хамирни тайёрланг ва 1 соат 30 дақиқага хамир ҳажми кўпайишига, иссиқ жойга олиб қўйинг.

2. Пиёз ва саримсоқни майда тўрғанг ва маёнез билан аралаштиринг.

3. Тайёр хамирни икки қисмга бўлинг. Батон шаклида ёйинг (4 см).

4. Батонлар устини ёпиб, 30 дақиқага қолдиринг. Кўпиртирилган тухум билан суртинг. Ўткир пичоқда батон ўртасига кесиқ қилинг.
5. Батон кесиғига маёнезли массадан чой қошиқ ёрдамида солинг. Майда тўрғалган кўкат сепинг, қирғичдан чиқарилган пишлоқни қалинликда сепинг. 180 даражада қиздирилган газ печида 30 дақиқа давомида пиширинг.
6. Белгиланган вақт ўтиб, мазали батонни дастурхонга тортинг.
Ёқимли иштаха!