Piyoz-tuxumli pirojki

Nozik asos va yumshoq xamir bu juda ham mazali. Juda ham tez tayyorlanadigan pirojki. Dasturxon davrasida barcha uchun maʼqul boʻlishi turgan gap. Taomnomangizdan oʻzining oʻrnini egallashi aniq. Ushbu retseptni albatta tayyorlang!

Kerakli masalliqlar:

• Tayyor xamirturushli xamir
• 5 dona tuxum
• 100 gramm koʻk piyoz
• Tuz va murch

Tayyorlash usuli:
1. Suvda qaynatilgan tuxumni mayda shaklda toʻrgʻang.
2. Piyozni mayda shaklda toʻrgʻang.
3. Tuxum va piyozni birlashtiring. Tuz va murch seping.
4. Xamirni mayda boʻlaklarga boʻling va yoyib chiqing.
5. Tayyorlangan asosdan soling. Xamir chetlarini birlashtirib, yopishtirib chiqing.
6. Pergament qogʻozi yozilgan pishirish qolipiga pirojkilarni terib chiqing.
7. Hohishingizga koʻra pirojkilar ustini tuxum bilan surtib chiqing. 180 darajada qizdirilgan gaz pechida 15-20 daqiqa davomida pishiring.
8. Hushboʻy isi xonadoningizni egallagan mazali va nozik pirojkilarni dasturxonga torting.Yoqimli ishtaxa!