Броколли-пишлоқли пирог
Нозик, тўйимли ва қолаверса жуда ҳам мазали пирог! Тайёрланиши оддий, натижаси эса дастурхон даврасида барчани лол қолдиради. Таомномадан ўз ўрнини эгаллайди. Ушбу рецептни албатта тайёрланг!
Керакли масаллиқлар:
Хамир учун:
- 1 дона тухум
- 50 грамм сарёғ
- 200-250 грамм ун
- 1 чой қошиқ қабартма ва туз
- 300 грамм броколли
- 250 грамм рикотто ёки творог
- 2 дона тухум
- 250 грамм пишлоқ
- Туз ва мурч
Тайёрлаш усули:
1. Биринчи навбатда хамирни тайёрланг. Тухум ва юмшатилган сарёғни бирлаштиринг.
2. Туз, қабартма ва унни солиб, хамир қоринг.
3. Хамирни ёғ суртилган пишириш қолипига, деворлари бўйлаб ёйинг.
4. Хамир устидан пергамент қоғози ёзинг.
5. Пергамент қоғози устидан ловия солинг. 180 даражада қиздирилган газ печида 15-20 дақиқа давомида пиширинг.
6. Асосни тайёрланг. Броколли карамини майда бўлакларга бўлинг.
7. Пишлоқни қирғичнинг катта томонидан чиқаринг.
8. Тухумни туз ва мурч солиб, кўпиртиринг.
9. Рикоттани солинг ва аралаштиринг.
10. Броколли ва пишлоқни солиб аралаштиринг.
11. Тайёрланган асосни пиширилган хамир устидан солинг, текисланг. 180 даражада қиздирилган газ печида 25-30 дақиқа давомида пиширинг.
12. Мазали ва нозик пирогни дастурхонга тортинг.Ёқимли иштаха!Хамирни пиширишда фойдаланилган ловияни сақлаб қўйинг, шу усул билан корж пишириладиган рецептларда фойдаланасиз.