Пишлокли тарт

Жуда ҳам мазали тарт! Қарсилдоқ хамир, нозик соусли асос бу мўжизавий лаззатланишни тақдим этади. Байрам дастурхони ва кундалик таом дастурхонидан ўзининг ёрқин ўрнини эгаллайди. Таомнома учун янгилик. Ушбу рецептни албатта тайёрланг!

Керакли масаллиқлар:

• 500 грамм тайёр қаватли хамир
• 300 грамм шампинон
• 150 грамм пиёз
• Ўсимлик ёғи

Соус учун:

• 250 грамм сметана
• 150 грамм пишлоқ
• Таъбга кўра кўкат, туз ва мурч

Тайёрлаш усули:
1. Биринчи навбатда тарт асосини тайёрланг. Пиёзни майда сомонча шаклда тўрғанг. 2. Шампинонлар ва кўкатни майда шакалда тўрғанг.
3. Пишлоқни қирғичнинг кичик томонидан чиқаринг.
4. Товада қиздирилган ёғда аввал пиёзни қовуринг.
5. Шампинонни солинг, туз ва мурч сепинг. 15-20 дақиқа давомида димланг.
6. Соусни тайёрланг. Пишлоқ ва сметанани бирлаштиринг.
7. Кўкат ва таъбга кўра туз сепинг ва аралаштиринг.
8. Хамирни ёйинг ва 10х10 см ҳажмда, тўртбурчак шаклда кесиб чиқинг. Пергамент қоғози ёзилган пишириш қолипига хамир бўлакларини теринг.
9. Хамир четидан 1 смда масофа қолдирган ҳолда, хамир ҳажмини бузмасдан кесиқлар қилиб чиқинг.
10. Хамир устига тайёр асосдан солинг.
11. Асос устидан 1 ош қошиқда соусдан солинг. 180 даражада қиздирилган газ печида 20-25 дақиқа давомида пиширинг.
12. Ҳушбўй иси хонадонингизни эгаллаган нозик ва мазали тартни дастурхонга тортинг.
Ёқимли иштаха!