Norin

Norin shoxona taom boʻlib, oʻzbek milliy taomlari orasida tayyorlanishi ancha murakkab boʻlgan taomdir. Asosan yilning sovuq fasllarida tayyorlanadi. Taomni taʼbga qarab mol yoki ot goʻshtidan tayyorlash mumkin.
Ushbu taom 8-10 kishilik.

Kerakli masalliqlar:

1. Goʻsht - 1 kg.
2. Tuhum - 2 dona
3. Un - 1,5 kg
4. Yog' - 150 gr.
5. Zira
6. Tuz



Tayyorlanishi:

Goʻsht suvda 1 soat davomida qaynatiladi. Pishgach, suvidan olib, sovutiladi. Soʻng, mayda somoncha (kokil) shaklida toʻgʻraladi.



Un ichiga tuhum chaqib solinib, nomokob suvda oʻrtacha qattiq hamir qorib, tindirib qoʻyiladi. Tingan hamir oʻrtacha yupqalikda yoyilib, toʻrtburchak shaklida kosa kengligida kesib chiqiladi.



Bu boʻlaklar shoʻr suvda pishirib olinadi. Pishgan hamirlar suvdan olingach, issiqligida dasturhon ustiga yoyib quritiladi. Bunda hamirlar bir-biriga yopishib qolmasligi uchun issiqligida toʻliq yoyishga harakat qiling. Ikki tomoni quritilgan hamirlar laganga bir hil tekislikda oralariga yog' surilib, ustma-ust tahlanadi.



Tahlangan hamirdan uzun lentalar kesib olinib, mayda kokil qilib toʻgʻraladi.



Toʻgʻralgan goʻsht va hamir zira bilan aralashtiriladi.


Taom dasturhonga alohida idishda goʻsht qaynagan shoʻrvasi bilan tortiladi.

Eslatma: Goʻsht oldindan tuzlab, ziralab qoʻyilsa yanada mazali boʻladi.

Yoqimli ishtaxa!