Koʻza shoʻrva

Kerakli masalliqlar:

1. Goʻsht - 500 gr.
2. Piyoz - 2 dona
3. Kartoshka - 3 dona
4. Sabzi - 1 dona
5. Pomidor - 1-2 dona
6. Bulgʻor qalampiri - 2 hil 1tadan
7. Sarimsoq piyoz - 5-6 boʻlak
8. Koʻkatlar


Tayyorlanishi:

Koʻzalarning ichiga, avval, kerakli boʻlaklarga boʻlingan goʻsht, sabzi, kartoshka, pomidor, piyoz, sarimsoq piyoz, bulgʻor qalampirlari, koʻkatlar solinadi va tuzi rostlanadi. Taʼbingizga koʻra ziravorlar solsa xam boʻladi. Ustidan, masallliqlarni koʻmgunicha suv solinadi. Soʻng, koʻzalar oldindan qizdirilgan gaz duhovkasiga joylashtiriladi. Koʻzadagi suv qaynab chiqqach, gaz duhovkasining olovi oʻrtacha pasaytiriladi. Bunda, koʻzadagi suv miqdori kamayib ketmasligi shart. Bu koʻza shoʻrvani, goʻshtning qattiq yoki yumshoqligiga qarab, 1,5-2 soat pishiriladi.


Taom shoʻrvasi aloxida kosada va masalliqlari likopchada dasturhonga tortiladi.

Yoqimli ishtaxa!