Niyati yomon kelinning jazosi

Yangi kelin balo chiqdi. Chiroy-boʻyoq, shirinkalom bilan erning boshini aylantirib, onaga qarshi qoʻydi, bu bilan «ostonasi tillo uy»ning yangi bekasi kimligini isbotlab qoʻydi oʻzicha.

Yolgʻon boʻlmasin, irimi oʻlguncha supur-sidir, yuv-tara chaqqon qoʻlidan ortmadi. Keyinchalik, «ulgurishiga qarab»lar «kimga kerak boʻlsa, qivolsin»gacha oʻzgarib bordi. Lekin uning eng sirli va yomon niyati oʻzining va farzandining boshiga balo boʻldi!...

Kelin boʻlib tushgandan beri bir odat xech «oʻlmadi» - daxlizdan chiqish joyida xamisha suvi siqilmagan pollatta xozir-u nozir, daxliz poli qishin-yozin yog' tomsa yalagudek.

Buning siri «kelin»ning opasi mexmonga kelganda ochildi: bir yoshga yetmagan jiyanini koʻtarib, xovliga chiqqan opa extiyotkorlikni qoʻldan berib, zinadan jiyani bilan qoʻshib «uchib tushdi».

«Kelin» esa, endi bir umr yura olmaydigan chaqalogʻini koʻtarib olib, «Qaynonam yiqilsin, deb pollatta qoʻygandim, bolam...» , deb gox yum-yum yigʻlaydi...

HULOSA: “Birovga chox qazisang, oʻzingning boʻyingga qarab qazigin, chunki, baribir, oʻzing tushasan”... Qaynonasining yiqilishini niyat qilib, hoxlab, oʻz farzandini bir umrga nogiron qilgan ayolning axvoli xammamizga ibrat boʻlsin!