Mast olicha torti (Торт Пьяная вишня).

Kerakli maxsulotlar:

Biskvit uchun:

9 dona tuxum,
180 gr shakar,
130 gr un,
0.5 choy qoshiq xamir qavartmasi,
80 gr kakao kukuni.
Krem uchun:

300 gr sariyog’,
400 gr quyltirilgan sut.
Nachinkasi uchun:

2.5 stakan danaksiz olicha yoki gilos (yaxlatilgan yoki bankaga berkitilgan boʻlsa ham boʻladi),
0.5 stakan aroq, konyak yoki vino,
2 osh qoshiq shakar.
Shokoladli glazur uchun:

150 gr shokolad,
180 gr qaymoq,
30 gr shakar
25 gr sariyog’.
Tayyorlanishi:

Bu tort nomi bilan mast olicha boʻlib, tortni tayyorlashdan 1 kun oldin 2.5 stakan danagidan tozalangan olicha yoki giloaga 2 osh qoshiq shakar solib engil aralshtirib, yarim stakan spirtli ichimliklardan aroq, konyak yoki vino solib va ustini yopib xona xaroratida 1 kun qoldiramiz (bankaka berkitilgan bedanak gilos ishlatilsa shakar solinmaydi. Bolalar uchun boʻlsa spirtli ichimliklar oʻrniga suv ishlatish mumkin).

Biskivit tayyorlab olamiz. Buning uchun 9 dona tuxumlarning oqi va sarigʻini alaohida qilib ajratib olib, oppoq tusga kirguncha tuxum oqi koʻpirtiramiz. Soʻng 90 gr shakar oz ozdan solib koʻpirtirish davom etiriladi. Aloxida idishgatuxum sarigʻi va 90 gr shakar solib, oppoq tusga kirgunicha koʻpirtiramiz.

Aloxida idishga un, xamir qavartmasi va kako kukini birgalikda elakdan oʻtqazib aralashtirib olamiz. Tuxum sarigili massaga, tuxum oqining yarmini solib oxista aralashtirib, soʻng oz ozdan unli aralashmani solib astalik bilan qoʻshiladi va qolgan tuximning oqini qoʻshib, bir yoʻnalishda yuqoridan pasta kovlagan xolada bir xil massa boʻlguncha qoʻshamiz.

Oldindan tayyorlab qoʻyilgan pishiriq qogʻoz toʻshab yoglangan 26 sm qolibga biskvit xamiri solib, tekistlaymiz. Oldindan qizdirilgan duxovkada 170-180 darajada issiqlikda 50-60 daqiqa davomida pishiramiz. Pishganini bilish uchun gugurt choʻpi bilan tekshiriladi.

Pishgan biskvitni ozroq qolibga turgan xolda sovutib, soʻnga qolibdan koʻchirib olib. pishiriq qogʻozlarini olib 5 soat sovutgani qoʻyamiz.

4-5 soatdan soʻng nachinkani tayyorlashni boshlaymiz. Olichani suvi silqishi uchun elakga solib suvuni tushiramiz, suvu bizga biskvutni namlantirish uchun kerak boʻladi.

Endi krem tayyorlab olamiz. Sariyog’ xona xaroratida yumshagan boʻlishi kerak. Sariyogʻni mikserning yuqori qismiga qoʻyib oppoq tusga kirib, ikki baravar koʻtarilguncha koʻpirtiriladi. Koʻprtirish davom etgan xolda quyultirilgan sut solib krem tayyorlab olamiz. Xoxishga koʻra oʻzingiz yoqtirgan sariyogʻli krem yoki sharlota, qaynatma yoki qaymoqli kremlardan foydalanishingiz mumkin. Mast olichali tortimiz uchun krem tayyor bezatish uchun 2-3 osh qoshiq kremdan olib qoʻyamiz.

Sovugan biskivitimizni ustidan 1.5 sm qalinlikda kesib olamiz. Qolgan biskivitni ichi, yumshoq qismini uylib olamiz. Biskivitni ushogʻi birqismi bezak uchun olib qoʻyamiz, qolgani maydalab olicha bilan birga kremga solib aralashtiriladi.

Ichi uyib olingan biskivit olichadan chiqgan sharbati bilan namlanadi. Kremli nachika solib ikkinchi biskvit boʻlagi bilan yopib sovutgichga qoʻyamiz.

Tortimiz soviguncha shokoladli glazur tayyorlab olamiz. Idishga qaymoqga va shakar solib, shakar eriguncha qizdiramiz. Boshq idishga shokaldlarni maydalab olamiz va qaymoqli massani solib aralashtiramiz, yaltiroq boʻlishi uchun sariyoq solamiz bir xil massa boʻlguncha qoʻshamiz.

Eritib olgan shokoladli glazurimisni tort yusitdan quyub chiqiladi va bir xil tekislab chiqiladi. Soʻng tortning yon tomonlariga shokolad qirindisi yoki orasidan olib qoʻyilgan biskvit ushogʻlarini sepib chiqamiz. Saqlab qoʻyilgan kremdan tort yuzini bezatib, olicha terib chiqiladi. Tort ustki qismi ochiq joyiga ham ushoq sepib bezatamiz. Mast olicha tortimiz tayyor 3 soat sovtgichga saqlaymiz tanavul qilishdan 1 soat oldin sovutgichdan chiqarilishi kerak.

Yoqimli ishtaxa!