Kokosli keks

Kakosli keks oson tayyorlaniladigan, ammo juda ham mazali boʻlgan pishiriqlardan biridir! U oʻzgacharoq boʻlib pishadi: keksning usti qarsildoq, ichi esa nam va yumshoq, yegandan keyin esa sariyog’ va kakosli taʼm kelib turadi.

Kerakli masalliqlar:

• 170 gramm margarin
• 250 gramm un
• 3 ta tuxum
• 270 gramm kefir
• 75 gramm kakos qirindisi
• 1.5 choy qoshiq qabartma
• 0.5 choy qoshiq tuz
• 225 gramm shakar
• 1 choy qoshiq vanil shakari
• 125 gramm shakar upasi
• 25 millilitr limon sharbati
• ustiga sepish uchun kakos qirindisi

Tayyorlash usullari:
1. Togʻorachaga yumshagan margarin va shakarni solib, mikserda oqargunga qadar yaxshilab, taxminan 3 daqiqa koʻpirtirib olamiz.
⠀
2.Vanilin shakari, tuxumni bittadan solamiz.
⠀
3. Un, qabartma va tuzni aralashtirib olamiz.
⠀
4. Unli aralashmani uchga boʻlib, kefirni ikkiga boʻlib, navbati bilan solamiz.
⠀
5. Kokos qirindisini sepib, aralashtirib olamiz.
⠀
6. Qolipga yog' surtib, un sepamiz. Xamirni qolipga quyib, 175 C darajada qizigan pechda 60 daqiqa davomida pishirib olamiz.
⠀
7. Pishgan keksni biroz qolipida sovutib, soʻng pech panjarasiga qoʻyib, toʻliq sovutib olamiz. Keksni oziq-ovqat pelyonkasiga oʻrab, 3 kungacha xona haroratida saqlash mumkin.
⠀
8. Limon sharbati va shakar upasini aralashtirib, keksning ustidan quyamiz va shakar qirindisini sepamiz.
⠀
Yoqimli ishtaha!