Хитойча баклажон салати

Ажойиб газак! Тайёрланиши оддий, натижаси бутун бир лаззатланиш бахтини тақдим этади. Таомномадан ўз ўрнини эгаллаши турган гап. Яқинларингизга лаззатланишни улашинг. Ушбу рецептни албатта тайёрланг!

Керакли масаллиқлар:

• 3 дона бақлажон
• 6-8 ош қошиқ ўсимлик ёғи
• 2-3 дона саримсоқ доначаси
• 1 ош қошиқ занжабил (имбир)
• 1 дона қалампир чили
• 1 дона кўк пиёз шохчаси
• 1 ош қошиқ соя соуси
• 1 ош қошиқ цирка
• 0.5 чой қошиқ шакар

Тайёрлаш усули: 1. Барча масаллиқларни газ ёнига жамланг. Бақлажонни тозаланг, икки қисмга бўлинг. Яна 3-4 қисмга бўлинг.
2. Чили қалампири, саримсоқ ва кўк пиёзни майда шаклда тўрғанг. Занжабилни қирғичнинг кичик томонидан чиқаринг.

3. Чуқур товада ўсимлик ёғини қиздиринг. Ҳар бир бақлажон бўлагини 2-3 дақиқа мобайнида, ҳар томонлама қизартириб қовуриб олинг.
4. Тайёр бақлажонларни четга олинг. 1 ош қошиқ қиздирилган ёғга саримсоқ, занжабил, кўк пиёз, чили қалампирини солиб, ҳушбўй ҳид таралгунча қовуринг. Сўнг, бақлажонларни солиб, 1 дақиқа давомида қовуринг, соя соуси, цирка, шакарни солиб аралаштиирнг. Оловни ўчиринг.
5. Ҳоҳишингизга кўра газакни иссиқ ёки совуқ ҳолда дастурхонга тортинг.
Ёқимли иштаха!