Аёл кайсарлиги салати

Номланиши ноанъанавий бўлган мазали ва нозик салат. Байрам дастурхони учун ажойиб танлов. Тайёрланиши жуда ҳам оддий, натижаси эса сизни лол қолдириши турган гап. Таомнома учун янгилик. Ушбу рецептни албатта тайёрланг!

Керакли масаллиқлар:

• 400 грамм товуқ гўшти филеси (қайнатилган)
• 100 грамм қора олхўри қоқиси
• 4 дона тухум
• 200 грамм бодринг
• 100 грамм пишлоқ
• 180 грамм маёнез
• 1 чой қошиқ туз

Тайёрлаш усули:
1. Олхўри қоқисини совуқ сув билан ювинг, 10 дақиқага иссиқ сувда уютинг.
2. Бодрингни сомонча шаклида тўрғанг ёки қирғичдан чиқаринг. 3. Пишлоқ салатда янада нозик бўлиши учун пишлоқни қирғичнинг кичик томонидан чиқаринг.
4. Совутилган товуқ гўштини майда шаклда тўрғанг.
5. Пиширилган тухумни майда тўртбурчак шаклда тўрғанг ёки сабзавот майдалагичдан чиқаринг.
6. Олхўрини майда шаклда тўрғанг.
7. Салатни йиғишни бошланг. Салат йиғиладиган идишга ҳалқа қолипини қўйинг.
8. Биринчи қаторга товуқ гўштини солинг, маёнез суртинг.
9. Бодрингни солинг ва маёнез суртинг. Ҳар бир салат қаторини маёнез билан суртинг.
10. Тухумни солинг.
11. Олхўрининг бир қисмини безаш учун олиб қўйинг. Қолган қисмини солинг ва устидан қирғичдан чиқарилган пишлоқни солинг.
12. Пишлоқ устини қолган олхўри билан безатинг. Сўнг, қолипни олинг.
13. Мехмонларни ва яқинларингизни лол қолдириш учун салатни дастурхонга тортинг.
Ёқимли иштаха!