Помидорли брускетлар
Италя ошхонасининг машҳур газакларидан бири. Жуда ҳам нозик ва мазали. Тайёрланиши оддий, натижаси дастурхон даврасида барчани лол қолдириши турган гап. Таомнома учун янгилик. Ушбу рецептни албатта тайёрланг!
Керакли масаллиқлар:
- 4 бўлак оқ нон
- 400 грамм помидор черри
- 20 каперси
- 30 грамм зайтун доначаси (данакциз, яшил ва қора)
- Туз, мурч, орегано
- Зайтун ёғи
- Райҳон кўкати
- 20 грамм песто соуси
- Қуритилган помидор доначалари
Тайёрлаш усули:
1. Черри помидорини 2 ёки 4 қисмга бўлинг.
2. Зайтун доначалари ва каперсини майда бўлакларга бўлинг.
3. Кесилган масаллиқларни бир идишга жамланг. Қуритилган помидорларни солинг.
4. Қуритилган кўкатлар жамланмасидан солинг. Туз сепинг.
5. Зайтун ёғидан қуйинг ва аралаштиринг.
6. Нон бўлакларини тостр ёрдамида қуритинг. Қиздирилган това ёки газ печида тайёрлаш ҳам мумкин. Нон бўлакларини саримсоқ доначаси билан суртинг.
7. Нон бўлакларига тайёрланган аралашмадан солинг.
8. Райҳон шохчаси билан безатинг. Песто соусидан сепинг.
9. Италян ошхонасининг мазали газаки тайёр ! Дастурхонга тортинг ва яқинларингизни лол қолдиринг.
Ёқимли иштаха!