Соя соуси остидаги бодринг

Бу жуда ҳам мазали ва ҳушбўй! Жуда ҳам тез тайёрланаиган, оддий салат. Байрам дастурхони учун ажойиб танлов. Таомнома учун янгилик. Ушбу рецептни албатта тайёрланг!

Керакли масаллиқлар:

• 500 грамм мол гўшти (қайнатилган)
• 400 грамм бодринг
• 1 дона пиёз
• 30 мл соя соуси
• 25 грамм кўк пиёз
• 2.5 ош қошиқ ўсимлик ёғи
• 1 ош қошиқ лимон шарбати
• 1 чой қошиқ қизил қалампир кукуни
• 1 чой қошиқ занжабил
• 1 ош қошиқ кунжут
• Таъбга кўра туз

Тайёрлаш усули: 1. Бодрингни узун сомонча шаклда, ўрта қалинликда тўрғанг.
2. Пиёзни ҳалқа шаклида кесинг. Товада қиздирилган ёғда қувуринг. Пиёз тилла тусга кириши билан пиёзни ёғдан сузиб олинг.
3. Қайнатиб, совутилган мол гўштини сомонча шаклда тўрғанг.
4. Ошхона тоғорачасига гўшт, бодринг, майда тўрғалган кўк пиёзни бирлаштиринг ва пиёз қовурилган иссиқ ёғни масаллиқлар устидан қуйинг.
5. Алохида идишда соя соуси, лимон шарбати, занжабил, қизил қалампир ва тузни бирлаштиринг.
6. Тайёр аралашмани бир неча дақиқага қолдиринг.
7. Салатни безаш учун 1 дона бодрингни корейсча сабзи тайёрланадиган қирғичдан чиқаринг.
8. Тайёр соусни тайёрланган масаллиқлар билан бирлаштиринг, аралаштиринг. 10-15 дақиқага қолдиринг.
9. Тайёрланган салатни салат идиши ўртасига солинг. Кунжут сепинг. Салат идиши четларини қирғичдан чиқарилган бодринг ва ёрқин рангдаги мева билан безатинг. Масалан ушбу рецептда қизил смородинадан фойдаланилган. Тайёр салатни дастурхонга тортинг.
Ёқимли иштаха!