Koulslo salati

Yevropa pshxonasining mashhur salatlaridan birin eʼtiboringizga taqdim etamiz. Yengil va vitaminlarga boy salat. Foydalanilgan masalliqlar bir-biri bilan kirishib, mazali va lazzatbaxsh taʼmni sizga taqdim etadi.

Kerakli masalliqlar:

• 1 ta qizil karam, oq karam
• 2 dona sabzi
• 1 banka makkajoʻxori konservasi
• 1 bog' petrushka
• 100 gramm smetana yoki yogurt
• 1 osh qoshiq olma sirkasi
• 3 choy qoshiq shakar, 0,5 choy qoshiq tuz
• 1 osh qoshiq xantal (gorchitsa)
• Taʼbga koʻra murch

Tayyorlash usuli:
1. Oq karamni mayda somoncha shaklda toʻrgʻang. Qoʻlingiz bilan ezing. Tozalangan sabzini qirgʻichning katta tomonidan chiqaring.
2. Shuningdek, qizil karamni ham mayda somoncha shaklda toʻrgʻang. Qoʻlingiz bilan ezing. Petrushka koʻkatini mayda toʻrgʻab, birlashtiring.
3. Makkajoʻxori konservasini oching va makkajoʻxorini sharbatidan ajrating.
4. Barcha masalliqlarni birlashtiring.
5. Salat uchun sousni tayyorlang. Buning uchun: yogurt, tuz, shakar, xantal, sirka va murchni birlashtiring, aralashtiring.
6. Sousni salatga qoʻshing, aralashtiring. 2-3 soatga muzlatgichga qoʻying. Belgilangan vaqt oʻtib, mazali salatni dasturxonga torting.Yoqimli ishtaxa!

Ushbu salat ozish uchun oʻz ustida ishlayotgan insonlar uchun ham maʼqul boʻladi.